乳酸閾值 (Lactate Threshold) 與最大攝氧量 (VO2max)

Atoughman Lab 運動員測試報告解讀指引

歡迎嚟到 Atoughman Lab 嘅乳酸閾值 (Lactate Threshold) 與最大攝氧量 (VO2max) 測試分析。呢份指引嘅目的，係幫你將一堆數字（W、mmol/L、VO2）轉化為落場比賽時嘅明確方向。

核心指標速覽：你必知嘅三個關鍵詞

1. LT1（有氧閾值 / Aerobic Threshold）： 身體開始產生輕微乳酸堆積嘅點。代表你嘅「長距離有氧引擎」同「脂肪燃燒效率」。

2. LT2（無氧閾值 / Anamorphic Threshold）： 乳酸生成與清除達到平衡嘅最高點。代表你喺比賽中可以維持最耐嘅「最高可持續配速」。

3. VO2max（最大攝氧量）： 你嘅心肺系統吸收同輸送氧氣嘅絕對極限，即係你架車嘅「引擎排氣量（天花板）」。

類型判斷與處方：你屬於邊一種運動員？

根據你嘅測試結果，你將會被歸納為以下兩大典型訓練形態之一：

第一類型：有氧底子未扎實（LT1 偏低，LT2 偏高且接近 VO2max）

 生理特徵與盲點：

 你嘅「頂層輸出」唔錯，但 LT1 同 LT2 距離拉得太開，有氧速度區間太窄。

 危險信號： 盲目依賴高強度訓練會導致基底不足，比賽容易喺中後段「突然爆計 / 能量耗盡」。

 訓練修正處方（點樣改善？）：

 重點： 擴闊有氧耐力區間，將 LT1 向右推（拉近 LT2）。

 做法： 增加 Z2 基礎有氧同 Sweet Spot / 節奏強度（Tempo）訓練，提升脂肪氧化率，建立厚實嘅引擎底座。

第二類型：引擎頂板受限（LT1 高，同時 LT2 與 VO2max 亦極度接近 LT2）

 生理特徵與盲點：

 你係典型的「柴油車型」運動員，長距離穩定配速（Steady State）能力極強（LT1 很高）。

 危險信號： 無氧儲備同頂層輸出（Anaerobic Capacity）不足，缺乏「加速、爬坡、或者最後衝刺」嘅能力。

 訓練修正處方（點樣改善？）：

 重點： 向上突破天花板，擴大引擎上限。

 做法： 執行極化訓練（Polarized Training）同精準嘅高強度間歇（如短間歇、乳酸耐受力訓練），拉高 VO2max 絕對上限，順便帶動 LT2 上升。

測試後嘅下一步：教練建議

 拎住份報告點算？ 唔好淨係睇單一數值，要睇 LT1 同 LT2 之間嘅距離 以及 同 VO2max 嘅相對位置。

 週期化訓練： 根據你嘅類型，喺未來 8 至 12 週嘅 TrainingPeaks 計劃入面作出針對性調整（補短板，發揮長處）。